"Шпигел" сэтгүүл дээр Монголын тухай фото сурвалжлага гарчээ. Гэрэл зурагчин Sven Zellner Монгол дахь шинэ үеийн баячуудын хэрхэн мөнгөө үрж, зарцуулдаг, харин орон гэргүйчүүд хэрхэн амь зуудаг талаар фото сурвалжлага бэлтгэсэн байна.  Нэг талд хүчирхийлэл гэмт хэрэг, авилгал, үгээгүй ядуучууд, аргаа барсан ажилгүйчүүд, эмнэлэг, сургууль, зовж шаналсан хүүхдүүд, төрөх оргүй эхчүүд. Харин нөгөө талд хагартлаа баяжсан хэдхэн гэр бүл. Азийн цагаан дагина байсан Улаанбаатар хот агаарын бохирдлоороо тэргүүлсэн, дэлхийн хамгийн бохир хот болон өөрчлөгджээ.

Sven Zellner:  “Улаанбаатар хот сүүлийн жилүүдэд ихээхэн өөрчлөгджээ. Замын түгжрэл ч ихэссэн байна. Ихэнх хүмүүс нь машинтай, тэр дундаа үнэтэй машин барьдаг. Өмнө нь Улаанбаатар ямар ч машингүй байлаа. Харин хэдхэн арван жилийн дотор Улаанбаатарын зам машинаа дийлэхээ байж. Хүмүүс нь ч алхаад хурдан явснаас түгжрэл дунд үнэтэй машинаараа явахыг илүүд үзнэ. Нийт хүн амын гуравны хоёр нь гэр хороололд амьдардаг. Айл бүр нүүрс шатаадаг зуухтай. Үүний үр дүнд Улаанбаатар хот агаарын бохирдол ихтэй хотуудын нэг болсон. Тэнгэрт тулсан өндөр барилгууд хаа сайгүй баригдаж байгаа ч орон сууцны үнэ өндөр, эдийн засаг нь хурдацтай өсч байгаа ч өргөн хэрэглээний барааны үнэ нэмэгдсээр. Амьдрал энд үнэхээр хэцүү. Ерээд оны эхээр ЗХУ-ын хараа хяналтаас гарсны дараа Монголчууд төрийн өмчит компаниудаа хувьчилсан. Харин цөөн тооны эрх мэдэлтнүүд өөр хоорондоо хувааж авснаар өнөөгийн цөөнх буюу шинэ үеийн баячууд үүссэн. Гэтэл нэн ядуу, орон гэргүй хүмүүс бохир усны шугамд амьдарч, хог хаягдлаар гол зогоон амьдарна. Өвлийг даван туулах цор ганц арга бол энэ. Энд харанхуй боловч дулаахан.”

Хурдан морины уралдаан зохион байгуулахаар Европт ирсэн Монгол.

Зам дээрх үхэр, ард нь Улаанбаатар хот.

Улаанбаатар бол дэлхий дээрх хамгийн бохир газруудын нэг.

Монгол улсын Хөдөлмөрийн яамны сайд Я.Санжмятав гар урлалын үзэсгэлэн дээр. Хаалган дээрээ "Made in Mongolia гэж бичсэн, дайны өмнөх шиг сонгодог хийцтэй машин.

Түүний амьд гарах цорын ганц арга: Бохир усны хоолойд амьдардаг 33 настай, орон гэргүй иргэн.