Хятадын Төрийн зөвлөлийн ерөнхий сайд Ли Кэчяны урилгаар Энэтхэгийн ерөнхий сайд Нарендра Моди 5-р сарын 14-ээс БНХАУ-д 3 хоногийн албан ёсны айлчлал хийж байна. Түүнийг эртний түүхт Ши-ань хотод айлчлал хийх үеэр Тан династ (618-907) –ын үеийн хувцастай угтагч, дайчид болон авхай нар угтан авч мэндчилжээ. Ши-ань хот нь Тан Династын үед Хятадын нийслэл байсан бөгөөд Нарендра Моди айлчлал хийхээсээ өмнө эртний соёлтой энэ хотод зочлох хүсэлтэй байгаагаа илэрхийлсэн байна.