Энэ зун Хойд Калифорнийн нийтийн зам дээр Google-ийн өөрөө жолооддог машиныг туршина. Машины хурдыг цагт 25 миль буюу 40 км байхаар хязгаарлах бөгөөд шаардлагатай үед жолоодох хүнтэй байхаар төлөвлөж байна.

Төсөл эхэлснээс хойш уг машин өөрийн жолоодлогоор сая орчим милийг туулаад байгаа юм. Тиймээс шинэ туршилтад аль хэдийн туршлагажсан бөгөөд насанд хүрсэн АНУ-н иргэний 75 жилийн туршлагатай эн тэнцэнэ хэмээн төслийн багийнхан үзэж байна. 

Урд нь саад гарч ирэхэд хурдаа удаашруулах, өөр нэг машин чиглэлээ өөрчлөхөд зөөлөн эргэх зэргээр жолоодлогын үед тохиолдож болохуйц саад бартааг амархан шийдхээр зохицуулжээ.

Түүнчлэн Google компаниас туршилтын явц, ослын талаар тогтмол мэдээллийг байршуулах олон нийтэд нээлттэй вебсайт ажиллуулж эхлэх гэж байгаа гэнэ. Google-д ойролцоогоор өөрийгөө жолооддог 25 машин бий. Үүний дараагийн томхон туршилт нь олон нийтийн дунд, хүмүүстэй орчинд жолоодуулах ажээ.