Украины уран бүтээлч Настя Птичек “Emoji nation” хэмээх нэгэн сонирхолтой цуврал гаргасан бөгөөд интернет орчинд хамгийн их трэнд болж байгаа зургууд юм. Тэрээр Windows messages, Google Map, Facebook, Instagram гэх мэт цахим ертөнцөд байдаг янз бүрийн сэтгэл хөдлөлийг илэрхийлсэн “emoji” болон зарим текст, тэмдэгтүүдийг аван дэлхийн сонгодог уран зургууд дээр нэмжээ. Настя Птичекийн ажлууд орчин үед хүмүүсийн сэтгэлгээний хэв маяг, амьдралыг харах өнцөг хэрхэн цахим хэлбэрт шилжиж байгааг илтгэж байгаа ба хэт их сошиал ертөнцөөс хамааралтай болж буйг ч бас шүүмжлэсэн өнгө аястай юм. Гэхдээ энэ санаагаа тэрээр маш хөгжилтэй байдлаар илэрхийлжээ.