УИХ-ын чуулганы хуралдаанаар Г.Баясгаланг Үндсэн хуулийн цэцийн гишүүнээр томиллоо. Хуралдаанд оролцсон 46 гишүүнээс 78.3 хувь буюу 36 гишүүн түүнийг цэцийн гишүүнээр томилохыг дэмжжээ. 

Гунгаагийн Баясгалан хуульч мэргэжилтэй, хууль зүйн магистр зэрэгтэй.

1986-2016 онд Баянхонгор аймгийн прокурорын газар, Улсын ерөнхий прокурорын газарт мөрдөн байцаагч, хяналтын прокурор, зөвлөх,

Хууль зүйн яаманд газрын дарга, Төрийн нарийн бичгийн дарга,

 Монгол Улсын Ерөнхийлөгчийн Хуулийн бодлогын зөвлөх,

Хууль зүй, дотоод хэргийн яамны Төрийн нарийн бичгийн дарга, “Партнерс форэвэр” компанийн захирал, МАН-ын даргын зөвлөхийн албыг тус тус хашжээ.