Монголын Хуульчдын холбооноос УИХ-ын нэр бүхий 62 гишүүний өргөн барьсан Үндсэн хуулийн нэмэлт, өөрчлөлтийн төсөл ба Ерөнхийлөгчийн саналыг нэгтгэх Зөвшилцлийн ажлын хэсгийн шийдвэртэй холбогдуулан байр сууриа илэрхийлж, шаардлага гаргажээ.

Зөвшилцлийн ажлын хэсэг нь наймдугаар сарын 8-ны хурлаараа Үндсэн хуулийн нэмэлт, өөрчлөлтийн төслөөс Шүүхийн бие даасан, шүүгчийн хараат бус байдлыг хангахтай холбоотой зүйл, заалтыг хасах Ерөнхийлөгчийн саналыг хүлээн авахаар шийдвэрлээд байгаа юм. Уг шийдвэртэй холбогдуулан Хуульчдын холбооны зүгээс “Үндсэн хуулийн нэмэлт, өөрчлөлт: Хараат бус, шударга шүүх” хэлэлцүүлэг зохион байгуулсан ба мэргэжлийн хуульч, судлаачид энэ удаагийн Үндсэн хуулийн нэмэлт, өөрчлөлтийн амин сүнс болох шүүхийн бие даасан байдал, хараат бус байдлыг сайжруулахтай холбоотой заалтыг хасах нь ухралт болно гэж санал нэгдэж, дараах 6 зүйл шаардлагыг УИХ-ын гишүүд, Төрийн байгуулалтын байнгын хороо, Хууль зүйн байнгын хорооны дарга нарт хүргүүллээ.