Үг үсгийн хүчинд итгэдэг.
Монгол хүн таны энэ удаагийн сонголт хүн төрөлхтний, жам ёсны талд байх болтугай...
Улаан бурхан өвчний дэгдэлттэй холбогдон вакцины асуудал яригдаж, зарим нэг нь вакцин хэрэггүй, үр дүн муутай, сөрөг нөлөөтэй гэв. Вакцины үйлдвэрлэл, хадгалалт, тээвэрлэлтээс болж чанарт өөрчлөлт орох, мөн хувь хүний биеийн онцлог зэргээс хамаарч вакцины өвчнөөс сэргийлэх баталгаа тэр бүр 100% биш байж болох ч халдварт өвчнөөс сэргийлэх вакцинаас өөр аргыг анагаахын шинжлэх ухаан одоогоор нээгээгүй байна. Вирусээр дамжин халддаг өвчний эсрэг вакцин хийсэн, хийгээгүй тохиолдолд тухайн өвчин яаж дамжин халдварлагдаж болох, эсвэл өвчний халдвар авах боломж маш бага байж болохыг доорх зургаас харж болно. Улаан өнгөөр халдвар авсан өвчтэй хүн, цэнхэрээр эрүүл боловч вакцин хийлгээгүй, шараар эрүүл бөгөөд вакцин хийлгэсэн хүнийг төсөөлж үзүүлжээ. За улаан бурханы хувьд вакцин ямар үр дүнтэйг бас харж болохоор байна. Тухайлбал, энэ өвчин бүртгэгдсэн нийт тохиолдлыг вакцин хийж эхэлсэн онуудтай харьцуулан АНУ-д 1912-2001 болон 1950-2011 он, Англи улсад 1940-2010 онуудаар харуулжээ.
